परभणी ➡️ एसटी आणि स्कूल बस यांच्यात झालेल्या अपघातामध्ये 22 जण जखमी झाले आहेत तर 4 जण गंभीर जखमी झाले आहेत. ही घटना गंगाखेड -राणीसावरगाव रोडवरील खंडाळी गाव परिसरात आज 11 डिसेंबर रोजी रविवारी सकाळी 9:45 वाजता घडली. यातील चार गंभीर जखमींना पुढील उपचारासाठी परभणीला हलविण्यात आले. या घटनेची माहिती मिळताच पिंपळदरी पोलिसांनी घटनास्थळी धाव घेतली. (vnsnews-24, accident, parbhani )
यामध्ये महमूद शेख (60, रा. अहमदपूर), राम मिलिंद गायकवाड (10), श्याम राजाभाऊ कदम (26 रा. पोखर्णी देवी),रत्नमाला उध्दव रेखावार (60), उद्धव नारायणराव रेखावार (65 रा. अहमदपूर), रामप्रसाद जोतिबा कोकाटे (13), नारायण श्रीमंतराव गीते (54), अनुराधा तुकाराम होळंबे (44), छाया अशोक सोनुळे (48), रेणुका श्रीनिवास गीते (35), अश्विनी बालाजी कांगणे (26), मीना नानाभाऊ जाधव (35),सुजाता किशोर सोनवणे (21), वेदांत महामुने (१२), शिवाजी महामुने (42), वर्षा ज्योतिबा कोकाटे (30), दिलीप रावसाहेब हाके (55 रा. शिरनाळ ता. चाकुर), नंदा सत्यनारायण पुरोहित (50 रा. मेहकर), अनंता उद्धव सोनाळे (40), कृष्णा अच्चुत दहिफळे (45), सुर्वणा बहूरे (31), अनुराधा बहूरे (44 रा. सर्व गंगाखेड) हे 22 जण जखमी झाले.
घटनेची माहिती मिळतात पिंपळदरी पोलिसांनी घटनास्थळी धाव घेऊन जखमींना उपचारासाठी गंगाखेड येथील उपजिल्हा रुग्णालयामध्ये नेण्यात आले आहे. या ठिकाणी डॉक्टर व रुग्णालयाच्या परिचारिकांनी अपघातामध्ये जखमी झालेल्या जखमींवर उपचार केला. स्कूल बस आणि बसचा अपघात झाल्यानंतर एसटी बसचा चालक हा केबिनमध्ये अडकला होता.
पिंपळदरी पोलिसांनी आणि नागरिकांनी शर्तीचे प्रयत्न करून चालकाला बाहेर काढले आहे. त्याला उपचारासाठी गंगाखेड येथील उपजिल्हा रुग्णालयामध्ये दाखल केले. या अपघातामुळे एकच खळबळ उडाली आहे. अपघातात जखमी झालेल्या 4 जणांची प्रकृती गंभीर असल्याने त्यांना पुढील उपचारासाठी परभणी येथे नेण्यात आले आहे. अशी माहिती गंगाखेड उपजिल्हा रुग्णालय प्रशासनाकडून देण्यात आली आहे. (vnsnews-24, accident, parbhani )
0 Comments