परभणी ➡️ महाराष्ट्र शासनाने तयार केलेल्या ईग्रामस्वराज-पी एफ एम एस प्रणाली मध्ये परभणी जिल्ह्याने जिल्हा परिषदेचे मुख्य कार्यकारी अधिकारी शिवानंद टाकसाळे यांच्या नेतृत्वात केलेल्या कामगिरी मध्ये परभणी जिल्ह्याने महाराष्ट्रात अव्वल क्रमांक पटकावला आहे.
महाराष्ट्र राज्यातील ग्रामपंचायती, पंचायत समिती आणि जिल्हा परिषदांना 15 व्या वित्त आयोगाचा प्राप्त निधी ईग्रामस्वराज-पीएफएमएस प्रणाली मधून ऑनलाईन पद्धतीने खर्च करावयाचा आहे. परभणी जिल्ह्याने ग्रामपंचायत पंचायत समिती व जिल्हा परिषद या तीनही स्तरावर राज्यात सर्वप्रथम आघाडी मिळवली आहे.
राज्यातील 27 हजार 889 ग्रामपंचायती पैकी परभणी जिल्ह्यातील लोहगाव ग्रामपंचायत, राज्यातील 351 पंचायत समिती पैकी गंगाखेड पंचायत समिती आणि राज्यातील 34 जिल्हा परिषदा पैकी परभणी जिल्हा परिषद यांनी राज्यात सर्वप्रथम पहिल्यांदा ईग्रामस्वराज-पीएफएमएस प्रणाली द्वारे पेमेंट केले.
सदरचे पेमेंट कसे करायचे याबाबतचे सादरीकरण परभणी जिल्हा परिषदेने तयार केले असून ते राज्यभरात उपयोगी ठरणार आहे. सदरची कामगिरी पंचायत विभागाचे उपमुख्य कार्यकारी अधिकारी ओमप्रकाश यादव यांच्या मार्गदर्शनातून आणि आपले सरकार सेवा केंद्राचे सर्व कर्मचाऱ्यांच्या प्रयत्नातून पार पडली.
0 Comments