🔰 'एकलव्य' च्या विद्यार्थांना शाळेत जाताना करावी लागते तारेवरची कसरत

जिंतूर ➡️ जिंतूर शहरातील नामदेव नगर परिसरात एकलव्य बाल विद्यामंदिर ही माध्यमिक व उच्च माध्यमिक शाळा आहे. ही शाळा गुणवत्तेच्या दृष्टिकोनातून शहरातील प्रमुख शाळा असल्याने विद्यार्थ्यांचा ओढा जास्त आहे. शालेय परिसर हा स्वच्छ असून वृक्षारोपण जास्तीचे केले असल्यामुळे निसर्गरम्य वातावरण शाळेचे आहे.  

पण भर पावसाळ्याच्या दिवसात जाण्यासाठी योग्य रस्ता नसल्याने विद्यार्थी व शिक्षकांचे बेहाल होत आहेत. या शाळेत ग्रामीण व शहरी भागातील मिळून वर्ग पाचवी ते बारावीचे ७००  ते ८०० विद्यार्थी अध्यापन घेतात. गेला 10 वर्षापासून शाळा प्रशासनाने नगरपरिषद तथा स्थानिक प्रतिनिधी यांना पक्क्या रस्त्याची मागणी करूनही देखील कोणीही दखल घेतली नाही. 

मागील काही दिवसापूर्वी "खिरापति सारखे मागेल त्यांना रोड" ही परिस्थिती असताना देखील 'वोट बँक' पाहून पक्क्या रस्त्याचे वाटप करण्यात आले. खरोखरच शाळेत येणाऱ्या मुलांना तारेवरची कसरत करावी लागते. मागील कालावधीत दररोज पाऊस चालू असताना अक्षरशः शाळेतील मुलांना गुडघाभर पाण्यातून शाळेत जावे लागते आहे. ग्रामीण भागातील मुलांना घेऊन येणाऱ्या गाड्या देखील शाळेपर्यंत येत येत नव्हत्या. मुलांना रोड पर्यंत चिखलातून आणि पाण्यातून पायपीट करत रोड गाठावे लागत होते.

त्यातही जिंतूर शहराला लागलेली कीड म्हणजे अतिक्रमण सोळा फुटाचे रस्ते आठ फुटावर आणून सोडले आहेत. त्यामुळे विद्यार्थी व परिसरातील पालकांचा नाराजीचा सुर उमटत आहे. स्थानिक प्रशासन आणि लोकप्रतिनिधी यांनी विशेष लक्ष घालून 700 ते 800 मुलांचा गंभीर प्रश्न सोडवावा असे शाळा प्रशासनाचे मत आहे.