ऑल इंडिया उलमा बोर्डच्या मिडीया सेल मराठवाडा अध्यक्षपदी मोईन खान यांची निवड

परभणी ➡️ जिल्हयातील सामाजिक , सांस्कृतिक क्षेत्रात अग्रेसर राहणा-या तथा पत्रकारीता क्षेत्रात अनेक वर्षापासून कार्यरत असणा-या पठाण मोईन अहेमद खान यांची ऑल इंडिया उलमा बोर्डच्या मिडीया मराठवाडा अध्यक्षपदी निवड करण्यात आली.

    सदरील निवड ही त्यांच्या कार्याची पावती मानली जात असून ऑल इंडिया उलमा बोर्ड दिल्लीचे राष्ट्रीय अध्यक्ष शाही इमाम मौलाना नियाज कासमी, अल्लामा बुनाई हस्नी (वक्फ विंग), गुलाम रब्बानी (कोलकत्ता) यांच्या आदेशाने व महाराष्ट्र  प्रदेश अध्यक्ष शेख फैसल (औरंगाबाद) यांच्या स्वाक्षरीने मोईन खान यांची मिडीया सेल मराठवाडा अध्यक्षपदी निवडीचे पत्र देण्यात आले. पत्रकारीतेच्या माध्यमातून शहरातील समस्या व अनेकांना न्याय मिळवून देण्याचे काम आपण करीत आहेत या पुढेही गोर गरीबांच्या प्रश्नांना वाचा फोडून शासन दरबारी मांडण्याचे काम या माध्यमातून करण्याची अपेक्षा पत्रात व्यक्त करण्यात आली. निवडीबद्दल ज्येष्ठ पत्रकार हमीद मलीक, पत्रकार महेमुद खान,बशीर अहेमद, सय्यद युसुफ,ज्येष्ठ समाजसेवक मोहम्मद अब्दुल बाखी, समाजसेवक मोहम्मद अब्दुला राज, कामरान खान, सय्यद सगीर, रिजवान खान, सोनू खान,अरमान खान आदींच्या वतीने अभिनंदन करण्यात आले.